टी २० विश्वकप एसिया पूर्वी क्षेत्र छनौटमा नेपाल च्याम्पियन

नेपाल आईसीसी विश्व ट्वान्टी–२० एसिया छनोट ‘बी’ प्रतियोगिताको च्याम्पियन बनेको छ । शुक्रबार सिंगापुरसँगको खेल वर्षाले रद्द गरेपछि नेपाल च्याम्पियन भएको हो । राउन्ड रोबिन लिगको अन्तिम खेल अगाडि नेपाल र सिंगापुरको दुवैको १० अंक थियो । तर सिंगापुर भन्दा नेपाल रनरेटमा अगाडि थियो ।

शुक्रबारको खेल रद्द भएपछि नेपालले सिंगापुरलाई रनरेटमै उछिन्दै च्याम्पियन भएको हो ।

मलेसियाको क्वलालम्पुरस्थित बायुमास ओभल खेल मैदलानमा नेपालले टसजितेपछि व्याटिङमा आएको सिंगापुर १३।३ ओभरमा ८१ रन बनाउँदै अलआउट भयो । नेपालबाट सन्दीप लामिछानेले ४, सोमपाल कामी र करण केसीले २र२, ललित राजवंशी र बसन्त रेग्मीले १र१ विकेट लिए ।

नेपालले ३ बल खेली १ रन बनाउँदै १ विकेट गुमाएको अवस्थामा वर्षाले खेल प्रभावित पारेको थियो । ओपनर अनिल साह शुन्यमै आउट भए ।

सात राष्ट्र सम्मिलित यस प्रतियोगिताबाट शीर्ष तीनमा रहेका नेपाल, सिंगापुर र मलेसिया दोस्रोचरणको एसिया छनोटमा पुगेका छन् ।


कीर्तिमानी सन्दीप
सन्दीप लामिछमाने एकै प्रतियोगितामा नेपालको लागि सर्वाधिक विकेट लिने खेलाडी बनेका छन् । उनले प्रतियोगिता भरी कुल २४ विकेट लिए । शुक्रबार सिंगापुरसँगको खेल अगाडि सन्दिपले ५ खेलमा २० विकेट लिइसकेका थिए । शुक्राबार चार विकेट थप्दै सन्दीप नेपालका किर्तीमानी बलर बनेका हुन् ।
यसअघि बसन्त रेग्मीले २०१२ को विश्व क्रिकेट लिग डिभिजन(४ मा २१ विकेट लिएका थिए । सो प्रतियोगिता पनि मलेसियामा नै भएको थियो ।(कान्तिपुर)
 

प्रतिकृया दिनुहोस

टी २० विश्वकप एसिया पूर्वी क्षेत्र छनौटमा नेपाल च्याम्पियन

प्रकृतिपुजक किरातीहरुको महान् चाड रापवा स्यादर पिदार, चासोक तङ्नाम, उधौली नजिकिदै आएको छ । देश, विदेशमा रहेका किरातीहरुले आफ्नो भाषा, संस्कार,

टी २० विश्वकप एसिया पूर्वी क्षेत्र छनौटमा नेपाल च्याम्पियन

मङ्सिर २८/इटहरी बिरामीलाई अवस्यक पर्ने रगत सहज रूपमा उपलब्ध गराउने उदेश्यले इटहरीमा रक्तदान कार्यक्रम आयोजना गरिएको छ । इटहरी नमुना कलेज समाज कार्य

टी २० विश्वकप एसिया पूर्वी क्षेत्र छनौटमा नेपाल च्याम्पियन

  खेमराज सापकोटा  इटहरी जनता बहुमुखी क्याम्पसमा नव आगन्तुक विद्यार्थीलाई स्वागत कार्यक्रमसँगै वृहत् सांस्कृतिक कार्यक्रम सम्पन्न गरिएको छ ।